Juanjo Rego presoa (Donostia, 1939) Valladolideko ospitalera (Espainia) eraman zuten atzo, bihotzekoa izan ondoren. Gaixotasun larria dauka aspalditik Regok; 1988tik gaitz zerebrobaskularra, duela hamabost urtetik diabetes gaitza eta hipertentsioa...
Haren senideek eta abokatuak ezin izan dute ikusi ospitalean, oztopoak jarri dizkietelako.
2005eko azaroan istripu zerebrobaskularra izan zuen, eta ikusmen eta ezkerreko hankako indar eta mugikortasunaren gabezia eragin zion. Medikuen arabera, Regoren kasua larria da oso, baina Espainiako Espetxe Zuzendaritzak beti uko egin izan dio presoa askatzeari. "Sekulako utzikeria" da hori Etxerat euskal presoen elkartearen iritziz.
1997ko abuztuan atxilotu zuten, ETArekin zerikusia zuelakoan. Dueñasko espetxean (Palentzia, Espainia) dago azkenaldian.
euskal presoak
Juanjo Rego presoak bihotzekoa izan du
Valladolideko erietxera eraman dute. Gaixotasun larria dauka aspalditik. Etxerat-ek Espainiako Espetxe Zuzendaritzaren "utzikeria" salatu du.
Iruzkinak
Ez dago iruzkinik
Ordenatu
