Etxerat elkarteak jakinarazi duenez, Julen Mendizabal preso arrasatearra aske geratu da, Mont-de-Marsango kartzelatik atera eta Espainiaratua izan ostean. 2013an atxilotu zuten, eta zazpi urteko zigorra jarri zioten ETAko kide izatea egotzita.
Urtarrilean, Frantziako Gobernuak jakinarazi zuen euskal presoak gerturatzen hasiko zela, eta Mendizabal izan zen Emmanuel Macronen gobernuak Mont-de-Marsanera hurbildu dituen presoetako bat. Otsail amaieran lekualdatu zuten.
