18/98+

'Kaiera' ibiltaria jarriko du abian 18/98+ taldeak, eskubide zibil eta politikoen alde

Eskubide politiko eta zibilen defentsa sozializatzeko helburuarekin 'Kaiera' ibiltaria abiatuko du 18/98+ taldeak, nahi duen orok bere gogoeta han utzi dezan. "Eskubide zibil eta politikoak denonak badira, nola ulertzen duzu 18/98 auzia?" galderaren aurrean hausnarketa egin, eta imaginazioz erantzuteko eskaria egin dute gaur taldeko kideek. "Pentsamendu libre eta propioa" duen ororen ekarpena jaso nahi dute, eta horretarako, herrialde guztiak, hiriburu guztiak eta hainbat inputaturen herriak zeharkatuko ditu 'Kaierak'.

2005eko urriaren 4a

16:49

Entzun 00:00:00 00:00:00

18/98+ taldearen hitzaurrearekin eta 100 pertsona ezagunen ekarpenekin abiatuko da 'Kaiera' hilaren 15ean Iruñetik, eta Durangoko azokan amaituko du bidea azaroaren 12an. Tartean modu eta kolore guztietako aportazioak biltzeko helburuarekin.

'Kaiera' handia izango da, eta aportazioen kopuruaren arabera handiago bihurtzeko aukera du. Amaitutakoan, bildu den ekarpen kopuruaren arabera zer egin erabakiko dute, aukeren artean liburu bat argitaratzea aipatu dute.

"Eskubide zibil eta politikoen defentsan kolore askoko manifestu bat" izango da liburua. Han bere ekarpena egiten duena bere zatiaren erantzule izango da, eta ez beste inorena. Hitzaurrearekin ados ez dagoenak ere eman dezake bere iritzia taldearen esanetan.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak