politika

Kalean dira jada Juan Joxe Petrikorena, Arantza Santesteban, Jon Garai, Mikel Zubimendi, Aner Petralanda, Ibon Arbulu, Anjel Mari Elkano eta Marisa Alejandro

Baldintzapean utzi dituzte libre, eta bakoitzak 50.000 euroko bermea ordaindu behar izan du. Hasier Arraizek ere ordaindu du bermea, baina ez zaio epaitegietako baimena iritsi, eta hortaz, oraindik ezin izan du espetxetik atera.

2010eko apirilaren 15a
20:28
Entzun
Espainiako Auzitegi Nazionalak debeku batzuk ere jarri dizkie denei, libre utzi dituzten Batasuneko beste kide batzuei bezala. Martxoaren 26an, kasu, Joseba Permach, Joseba Alvarez eta Juan Cruz Aldasoro atera zituzten kartzelatik baina, bakoitzari 50.000 euroko bermea jartzeaz gain, Espainiako Estatuko mugak igarotzeko debekua ezarri diete, pasaporteak kendu dizkiete, astero epaitegian sinatzeko baldintza jarri diete, auzitegiek hala eskatutakoan aurkeztekoa, etxebizitzaz ez aldatzekoa eta politikan ez aritzekoa.



Fullaondo ez beste denak 2007ko urriaren 4an atxilotu zituen Espainiako Poliziak, Seguran, Batasuneko beste hainbat lagunekin batera. Bi hilabete geroago atzeman zuten Fullaondo.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.