Kanpaldi bat abian da Aroztegiako proiektuaren aurka

«Proiektu hau ez da baztandarren beharrak asetzeko, lauren sakelak sosez betetzeko baizik». Elizondon (Nafarroa) abian da ostiraletik Aroztegiako egitasmoaren aurkako kanpaldi bat. Nafarroa bizirik nahi dugu agirian zerrendatzen dituzten proiektuetako bat da. 252 etxebizitza egin nahi dira, eta horrek 750 biztanleko populaziogune berri bat sortuko luke mendi ingurune batean. Kanpaldian, bereziki, Geroa Bairi egin diote kritika; egotzi diote «tematuta» egotea egitasmoarekin. Gaur amaituko da.