presoen sakabanaketa
Karlos Apeztegia presoaren senideek istripua izan zuten larunbatean
Huelvako espetxean dagoen Karlos Apeztegia preso iruñearraren senideek istripua izan zuten, bisitaren ondoren Euskal Herrira bueltan zetozenean. Autoan Apeztegiaren arreba eta koinatua zihoazen, eta ez zuten kalte fisiko larririk izan. Autoa ordea, istripuaren tokian utzi behar izan zuten, aurrealdean kolpe handia baitzuen. Bestalde, abenduaren 4an Egoitz Koto presoaren senideen autoari kristalak apurtu eta gurpilak zulatu zizkioten.
Euskal presoen senideek aurten izan duten 42. istripua izan da Apeztegiaren senideena. Istripua Euskal Herrira zetozela izan zuten, Sevilla inguruan, bi txakur autobidera irten zirenean. Guardia Zibila istripua gertatu eta ordu t’erdira azaldu zen.
Iruzkinak
Ez dago iruzkinik
Ordenatu
