Kartzelan sartu dute Cascanteko (Nafarroa) zahar etxe batean hildako gizonaren gelakidea. 84 urte ditu kartzelan sartu duten gizonak, eta 67 zituen hildakoak. Autoak dio gizona kartzelara sartu dutela «zantzu nahikoa» daudelako ikertua aipatutako delituaren egilea dela pentsatzeko.
Foruzaingoak jakinarazi duenez, astelehenean gertatu zen, eta ikerketa abiatu dute. 84 urteko gizona eta biktima bakarrik zeuden gelan, eta «ez dago gelan beste inor sartu zela adierazten duen zantzurik». Are, korridorean kamerak daude, eta haiei esker jakin dute hilketa izan zen denbora tartean bi gizon horiek soilik sartu zirela gelara.
