"ETA arlo militarrean bakarrik aritzen da, kontrakoa ETA politiko-militarraren akatsean berriro erortzea bailitzateke", adierazi du. Ildo horretatik, ETA "bakarra eta independentea" dela ziurtatu du, eta ezker abertzaleko gainerako erakundeekin ez duela lotura eta menpekotasun harremanik.
Egin egunkariaren edo hura argitaratzen zuen Orain enpresaren inguruko erabakiak ETAk hartzen zituela ere ukatu egin du erakunde armatuaren buruzagi ohiak.
Alvarez Santacristinaren ondoren, Nagore Mujika, Jose Mari Dorronsoro eta Juan Luis Agirre presoek deklaratuko dute, guztiek Fiskaltzaren eskariz.
Izan ere, atzo hasi zen lekukoen deklarazio txanda. Enrique Molina fiskalak eskatuta Josu Arkauz Arana, Joseba Arregi Erostarbe eta Pakito Mujika presoek deklaratu zuten. Baita Juan Manuel Soares Ganboa ETAko kide ohi damutuak ere.
18/98 auziko epaiketa
KAS ETAren baitakoa zela ukatu du Alvarez Santacristinak
KAS ETAren baitakoa edo haren menpekoa zela guztiz ukatu du Jose Luis Alvarez Santacristina ETAko buruzagi ohi presoak. "Kontrakoari esaten duena edo ezjakina da, edo borondate txarrez ari da", azpimarratu du, eta ETA politiko-militarraren "porrotaren" ondoren arlo militarrean bakarrik aritzea erabaki zutela erantsi du. =i 18/98 auziko=i epaiketaren gaurko saioan egin ditu adierazpen horiek Alvarez Santacristinak. Gaurko saioan bera izan da deklaratzen lehena, Fiskaltzak deituta.
Iruzkinak
Ez dago iruzkinik
Ordenatu
