Ibaiak hazi-hazita eduki dituzte asteburuan Nafarroan, eta Kasedan izan dira ondorio handienak. Foruzaingoak azaldu duenez, 600 bat ardi galdu dira. Aragoi ibaiaren inguruan zeuden. 42 abere aurkitu dituzte bizirik: ibai bazterreko uhartexka batera igo ziren.
Abeltzainaren salaketa jaso zain daude foruzainak. Uste dute kalteen delitu bat egon daitekeela tartean, eta Ebroko Ur Konfederazioa jakinaren gainean jarri dute.
Ibai bazterrak miatzen ari dira.
