Katamotz iberiar bat (Lynx pardinus) atzeman dute argazki tranpa bidezko kameren bidez, Kanpezun (Araba). Aurkikuntza hori historikotzat jo dute adituek; 2025eko abenduan gertatu zen, baina xehetasunak orain argitaratu dituzte. Katamotz hori da azken mendean Araban atzemandako espezie horretako lehen alea, eta horrek pentsarazten du frogatzat jo daitekeela Nafarroatik iparraldera ere izango direla ale gehiago.
Kanpezuko abeltzain batek ikusi zuen du katamotza. Argazki tranpa bidezko kamera bat jarria zuen bere lursailean, bertatik igarotzen ziren basanimaliak erregistratzeko. Ohiko basakatu eta azkonarren argazkiak atera zituen kamerak, baina halako batean ezusteko bat agertu zen: katamotz iberiar baten argazkia, lehena Araban azken mendean.
Izan ere, iparraldeko katamotzaren (Lynx lynx) aleren bat edo beste azaldu dira Arabako lurretan, baina aspaldi: XX. mendearen hasieran Aizkorri-Aratz mendilerroan, Gorbeian eta Gaubean. Pirinioen iparraldean, berriz, ohikoa da handixeagoa den espezie horren presentzia.
Baina Kanpezuko kamerek hartu duten aleari dagokionez, propio sartutako animalia bat da itxura guztien arabera. Segundo gutxi batzuetako bideoa da, eta katamotz iberiarra oinez ikus daiteke, Kanpezuko lurretan. Katamotz iberiarra tamaina ertaineko katu itxurako animalia da; Iberiako penintsulako berezko espeziea da. Belarri zorrotzak ditu, bizar luzeak eta orban dirdiratsuak ilean. Mediterraneoko mendiari lotutako espeziea da, eta mende hasieran galtzeko zorian egon zen. Gaur egun, ordea, espeziea suspertzeko bidean da, kontserbazio programei esker.
Jarraipen lepoko bat
Atzemandako katamotzak jarraipen lepoko bat dauka soinean, eta horrek berretsi du penintsulako hegoaldean espeziea berreskuratzeko egiten ari diren programetako ale bat dela, monitorizatuta dagoen ale bat. Espeziea suspertze historiko bat izaten ari da: dagoeneko 2.663 aletik gora daude Espainian, Andaluzian, Gaztela-Mantxan eta Extremaduran, baita Portugalen ere.
Katamotz horiek egunero 25 kilometro baino gehiago egiteko gai direla erakutsi dute lepoko GPS tresnek, eta mila kilometrotik gorako bidaiak egiten dituztela.
Katamotza Euskal Herrian berriro sartzeko proiekturik ez dago. Animalia horiek hurbilen dauden eremua Aragoi da. Izan ere, Zaragoza aldean berriki ale batzuk askatu dituzte, espeziea Ebroko haranean zehar zabaltzeko. Horrez gain, Gaztela eta Leonen, Palentzian hain zuzen, katamotza ugaritzen hasi da.
Katamotz horiek egunero 25 kilometro baino gehiago egiteko gai direla erakutsi dute lepoko GPS tresnek, eta mila kilometrotik gorako bidaiak egiten dituztela. Untxiak jaten dituzte batez ere, baina untxi gutxi dagoenean ere, moldatzeko gaitasun handia erakutsi dute.
