Etxetik ari da BERRIA. Etxetik, irakurleei eta ikus-entzuleei egunero leiho bat zabaltzeko. Etxetik, gaur-gaurko informazioa helarazteko.
Lantaldean aldaketa handiak izan dira egunotan: erredakzioko kiderik gehienak etxetik ari dira lanean; kasu askotan, lana zaintzarekin uztartzeko ahaleginean. Aparteko ahalegina ari dira egiten egunotan. Itxialdia iritsi aurretik hasia zen taldea egoera aztertzen eta etxetik aritzeko azpiegitura prestatzen, bi helbururekin: langileen osasuna babestea eta BERRIAren eskaintza bermatzea.
Langileen pozekin eta ezinekin, BERRIAk eutsi egin dio informazioaren hariari, eta lantaldeak intimitatearen izpi bat erakutsi nahi die irakurleei: leihoak eta ateak zabaldu BERRIAlagunen komunitateari.
