«Konfiantzagatik» egin zuen PSErentzat lana Prietoren enpresak, bere hitzetan

BILBO. Txarli Prieto legebiltzarkidea Arabako PSE-EEren idazkari nagusi zela, Prietoren beraren enpresa batek egin zituen bere alderdiko hainbat egoitzatako lanak. «Terrorismoaren arazoa zela eta, segurtasunagatik eta konfiantzagatik» aukeratu zuen enpresa hori alderdiak, Prietoren beraren esanetan. Idoia Mendia PSEren idazkari nagusiak kontratazio haiek babestu ditu: «Ez dago inolako irregulartasunik».