Konstituzionalaren berrespenetik lau hilabetera

Estrasburgoko Giza Eskubideen Auzitegiak Parot doktrina etzanarazi baino lau hilabete lehenago, Espainiako Auzitegi Konstituzionalak oniritzia eman zion euskal preso askorentzat bizi guztiko kartzela zigorra ezartzen zuen doktrina , 31 euskal presoren helegiteetatik hiruri bakarrik babesa eman zienean. Martxoan, Konstituzionalak ebatzi zuen Parot doktrinak ez zuela presoen gizarteratzeko helburua urratzen, baina onartu zuen «zaildu» egiten duela. Erabaki horrekin, Konstituzionalak berretsi egin zuen Auzitegi Gorenak ezarri eta Auzitegi Nazionala aplikatzen ari zen doktrina. Dena den, Konstituzionalak bazekien Estrasburgok mahai gainean zeukala Ines del Rioren helegitea.