Jaurlaritzaren Estatutu berrirako proposamena

Kontseiluak dio 'Ibarretxeren plana'-k euskarari egiten dion aipamena ez dela nahikoa

Bihar bozkatuko da Eusko Legebiltzarrean Jaurlaritzaren Estatutu Berrirako proposamena. Kontseiluak plan horren inguruan duen iritzia azaldu du gaur, eta =iIbarretxeren plana=i-k euskararen inguruan egiten duen aipamena ez dela nahikoa diote. "Normalizazioa errealitate bihur dadin guztiak inplikatzeko politika oso eta eraginkorra" behar dela azpimarratu du Kontseiluko idazkari nagusi Xabien Mendigurenek.

2004ko abenduaren 29a

12:19

Entzun 00:00:00 00:00:00

Hainbat euskaltzalerekin eman du prentsaurrekoa Kontseiluak. Eta Jaurlaritzaren Estatutu Berrirako Proposamenak euskararen inguruan egiten duen aipamena ez dela nahikoa azpimarratu dute.

Honela mintzatu da Kontseiluak idazkari Xabier Mendiguren: "euskara berezko hizkuntza da hemen, eta euskal herritar guztiek izan behar dute euskara ezagutzeko eskubide eta betebeharra. Horrek gure ordenamendu juridikoan jasota gelditu behar du euskararen normalizazio osoa lortu nahi badugu, zeren eta hori egin ezean ez baita posible izango aurrerapauso serioak ematea normalizazioaren bidean".

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak