Nafarroako itun ekonomikoa eta Euskal Autonomia Erkidegoko kontzertu ekonomikoa ezbaian jarri ditu gaur Enrique Ossoriok, Madrilgo Gobernuko Ekonomia eta Ogasun kontseilariak.
Esan duenez, bi erkidegoak "aberatsak" dira, eta Espainiako beste erkidegoekiko "elkartasunarekin bat egiteko" unea izan daiteke.
Ossoriok esan du "agian" unea dela pentsatzeko ea "zentzua" ote duen Arabak, Bizkaiak, Gipuzkoak eta Nafarroak Espainiako "elkartasun" funtsari ekarpenik ez egiteak, aintzat hartuta Espainian erkidegoen finantzaketa eredua eztabaidatzen ari direla.
