Azken lau asteetan hobera egin dute koronabirusaren datuek Nafarroan. Joan den astean 353 kasu positibo atzeman zituzten PCR edo antigeno testekin, aurreko astean baino %52 gutxiago; duela hilabete, 7.000 kasu detektatu zituzten aste batean. Abuztuaren 7an 99 pertsona zeuden koronabirusarekin ospitaleratuta, eta joan den astearen amaieran, berriz, 68 ziren. Duela bi aste 30 pertsona sartu zituzten ospitaleetan, eta joan den astean, berriz, 22: zortzi gutxiago.
Hala ere, Osasunbideak adierazi du 65 urtetik gorakoen artean intzidentzia metatua handia dela oraindik ere, eta esan du datu hori eta ospitaleratzeak intzidentzia metatu orokorra baino motelago jaisten ari direla. Abuztuaren 14ra arte 1.429.077 txerto dosi jarri dituzte guztira Nafarroan.
