Laguntza Psikosozialerako Modulua ez kentzeko lanetan

BARAKALDO. Barakaldoko alkate Tontxu Rodriguez Eusko Jaurlaritzako Osasun Sailarekin hitz egiten ari da, Gurutzetako Laguntza Psikosozialerako Modulua ken ez dezaten. «Oraingoz, ez dugu lortu Jaurlaritzak atzera egitea, baina espero dugu egingo duela». Herriko hainbat gizarte taldek egin dute eskaria, eta udalak bat egin du. Haien arabera, larria da modulu hori kentzea.