Lan istripu larria gertatu da gaur goizean Etxarri-Aranazko (Nafarroa) Satenhor enpresan: kamioi bat zamatzen ari zela langile bat hil da, lehen ikerketen arabera, garabi baten kakoak buruan jota. Hain zuzen ere, garabia kamioira lotzen ari zen kakoak buruan jo duenean. Hildakoa M.A.O.M. 62 urteko gizonezko altsasuarra da.
Zumurdiñeta industriaguneko Satenhor enpresan gertatu da istripua, 11:10 aldera. Betoi nahasgailuen konponketak eta hornikuntza piezak egiten dituzte lantegi horretan. Foruzaingoa istripuaren nondik norakoak ikertzen ari da.
LAB sindikatuaren arabera, aurten Euskal Herrian lan istripuetan hil den 76. behargina da gaurkoa. Iaz hala 125 zendu direla dio LABek.
Lan istripua
Langile bat hil da Etxarri Aranatzen, garabi baten kakoak kolpatuta
Satenhor enpresan gertatu da istripua. Hildakoak 62 urte zeuzkan eta Altsasukoa zen. Betoi nahasgailuen konponketak eta hornikuntza piezak egiten dituzte Satenhorren.
Iruzkinak
Ez dago iruzkinik
Ordenatu
