LARUNBATEKO JAIRAKO DEIALDIA

Euskaraz Bizi Eguna antolatua du EHE Euskal Herrian Euskaraz-ek datorren larunbaterako, eta festara joateko deia egin zuten atzo antolatzaileek eta egunean parte hartuko duten hainbat pertsonak, Gernika-Lumon (Bizkaia). Hor ospatuko dute eguna. Jaia aldarrikapenarekin uztartzeko asmoa dute, «asimilazio estrategiei» aurre egiteko. Egitarau betea prestatu dute. Goizean hasiko dira ekitaldiak; arratsaldean, manifestazioa egingo dute, eta gauean, kontzertuak.