'Lasa eta Zabala' filma, eta Iruinen argibideak

Pablo Malo zuzendariaren Lasa eta Zabala filman ere egiten zaio erreferentzia bat bonba-paketeen kanpaina horri. Iñigo Iruin abokatuaren laguntzaile bat hiltzen dute filmean pakete horietako batekin. Iñigo Iruinek berak eman zizkion xehetasun horri buruzko argibideak BERRIAri, Donostiako Zinemaldian, filma estreinatu zen egunean: «Batetik, ez da egia bonba-pakete batek nire laguntzailea hil zuenik. Egia da bonba-pakete bat bidali zutela ni hiltzeko asmotan, baina zorionez ez zuen eztanda egin. Guardia zibilek, damututa, paketea neutralizatu zuten destinora heldu aurretik, garai berean bidalitako beste pakete batek postari bat hil eta gero. Hori, gainera, beste une batean gertatu zen, 1989an, eta ez, filmean bezala, 1995ean».