Espainiako Poliziak lau gizon atxilotu ditu Bizkaian, Gipuzkoan eta Nafarroan, haur pornografia egitea, edukitzea eta banatzea egotzita. Iturri horrek berak erran duenez, operazio zabal batean egin dituzte Hego Euskal Herriko atxiloketak: izan ere, Espainian egindakoak kontuan hartuta, 61 pertsona atxilotu dituzte, eta bertze hamazazpi ikerketapean daude.
Hego Euskal Herrian eta Espainian egin dituzten lanetan, guztira 100 miaketa egin dituzte, eta hainbat gailu konfiskatu: bertzeak bertze, sakelako 37 telefono, 63 ordenagailu, 229 disko gogor, 58 USB memoria gordailu eta askotariko bertze 1.600 gordailu.
