Ertzaintzak 28 urteko gizonezko bat -P.M.- atxilotu du bart Bilbon, bikotekide ohiari ustez sexu erasoak egin dizkiolako. Gertaera atzo gauean hasi zen, zortzi eta erdiak aldera, Uribarri auzoan. Gizonezkoa emakumearen etxera joan zen -duela egun batzuk arte elkarrekin bizi ziren han-, eta emakumea hiru orduz atxikia eduki zuen. Orduan behartu zuen sexu harremanak izatera, biktimak esan duenez.
Gauerdian emakumeak etxetik irtetea lortu zuen, eta ordua eman zion gertaeraren berri Ertzaintzari. Handik gutxira ertzainak etxe hartara joan ziren, han zen gizonezkoa eta atzeman egin zuten.
Nafarroan azkeneko egunetan hiru gizonezko atxilotu dituzte emakumeen kontrako indarkeria dela-eta: Tuteran, Iruñean eta Burlatan.
Tuteran igandean 39 urteko espainiar bat atzeman zuten udaltzainek (Novillaskoa, Aragoikoa), bikotekide ohiarengandik urrun egoteko agindua urratu egin zuelako. Emakumearen etxeko beira bat hautsi zuen, udaltzainek esan dutenez.
Foruzainek Iruñean igande goizean beste gizonezko bat atzeman zuten, 37 urteko iruindarra, dantzaleku baten atarian neska-laguna jotzea egotzita.
Atzo, berriz, Burlatan atxilotu zuten beste bat foruzainek eta udaltzainek, 33 urtekoa. Ustez, ama jo zuen.
Emakumeen aurkako indarkeria
Lau gizonezko atxilotu dituzte Bilbon, Tuteran, Iruñean eta Burlatan, emakumeen kontrako indarkeria dela-eta
Iruzkinak
Ez dago iruzkinik
Ordenatu
