2024ko irailean, gizon batek emakume bat bortxatu zuen Donostiako Katalunia plazako aparkalekuan. Gizona behin-behineko espetxealdian dago egun hartatik. Bada, gaur, akusatuak, biktimak eta fiskaltzak lau urteko espetxe zigorra adostu dute erasotzailearentzat. Lau urteko zigorraz gain, aske geratu ostean bete beharko dituen beste hiru neurri ere ezarri dizkiote: zortzi urteko urruntze agindua izango du, sei urte igaroko ditu zaintzapean aske, eta ezingo du adingabeekin lan egin edo beste jarduerarik egin.
Epaiketaren ahozko saioa ostegun eta ostiral honetan egitekoak ziren, baina, akordiora heldu ostean, biktimak ez du deklaratu beharko.
