LAU ZAURITU SUTE BATEAN

Bart goizaldean, Iruñeko etxe batean, sutea piztu zen, eta lau lagun intoxikatu ziren, kea arnastuta. Laurak Nafarroako Ospitalera eraman zituzten, arnasa hartzeko arazoak zituztela. 05:20 inguruan piztu zen sua, Paulino Caballero kaleko 34. zenbakiko etxebizitza batean. Lehen ikerketen arabera, ke xurgagailuan piztu zen sua, eta sukaldean zabaldu zen. Goiko etxebizitzara ere iritsi ziren garrak. Suhiltzaileek ordubete inguru behar izan zuten sua mendean hartzeko. Foruzaingoa eta Iruñeko Udaltzaingoa gertatutakoa ikertzen ari dira.