Lekorneko txerritegia handitzearen kontrako taldea sortu dute

Lekorneko (Lapurdi) txerritegia handitzeko xedearen aurka borrokatzeko elkartea sortu berri dute. Txerritegiak ingurumenean eragin ditzakeen kalteak saihestu eta herria babestu nahi duen herritar talde batek bultzatu du ekimena. Izan ere, Prefeturak txerritegiaren handitze lanak bermatzen dituen ebazpena plazaratu du. Kontrako taldeak abokatu bat hartu du helegitea jartzeko. Helegitean osasun ikerketan egindako okerrak eta prozedurako akatsak aipatzen dira. Taldeak informazio bilkurak antolatu ditu urtarrilerako Lekornen eta inguruko herrietan. Diru bilketa hasi dute helegitearen kostua ordaintzeko.