Luis Leon Sanchezek irabazi du gaur arratsaldean Frantziako Tourreko zortzigarren etapa: Andorra-Saint Girons (176,5 kilometro). Hasi eta berehala Enva lira lehen mailako mendatea izan dute. Helmugatik 44 kilometrora, Agnes lehen mailakoa.
Leon Sanchezek berak, Mikel Astarlozak, Vladimir Efimkinek eta Sandy Casarrek ihes egin dute. Helmugarako hiru kilometro faltan Efimkinek erasoari ekin dio, baina segituan harrapatu dute beste hiru txirrindulariek. Amaiera sprintean erabaki da, eta Leon Sanchez nagusitu da. Astarloza hirugarren sartu da.
Tropela 1,54ra iritsi da. Eta beraz, Rinaldo Nocentinik segitzen du lider.
Bihar korrituko dute Tourreko bederatzigarren etapa: Saint Gaudens-Tarbes (160,5 kilometro). Etaparen erdialdera Aspin lehen mailako mendatea eta Tourmalet maila berezikoa igoko dituzte. Azkeneko 70 kilometroetan ez dute mendirik izango.
TXIRRINDULARITZA
Leon Sanchez irabazle
Bihar Aspin eta Tourmalet igoko dituzte, etaparen erdialdera.
Iruzkinak
Ez dago iruzkinik
Ordenatu
