Atxiloketak

Lonsen atxilotutako lau lagunak espetxeratu dituzte

Joan den asteartean Pauetik hurbil, Lonsen, atxilotutako ustezko lau etakideek atzo deklaratu zuten Parisen Laurence Levert epailearen aurrean, eta laurak espetxeratzeko agindua eman du jujeak. Hain zuzen ere, Gorka Palacios Fleury-Merogisen sartu dute, eta Jon Rubenach, Mikel Almandoz eta Iñigo Vallejo, berriz, Fresnesen. Poliziaren esku "tratu zuzena" jaso dutela deklaratu dute laurek.

2003ko abenduaren 12a

19:28

Entzun 00:00:00 00:00:00

Talde armatuko kide izatea, armak eta agiri faltsuak izatea, eta lehergaiei buruzko legedia urratzea leporatu die epaileak.

Arrestatzea "oso gogorra" izan zela deklaratu dute laurek, baina poliziaetxeetan "tratu zuzena" jaso dutela.

Astearteako operazio horren aurretik, atzo zortzi, Ibon Fernadez Iradi 'Susper' , Patxi Abad eta Garazi Aldana atxilotu zituen Frantziako Poliziak Mont de Marsanen (Landesetan) ETAko kide direlakoan. Poliziaren esku "tratu basatia" jasan zutela salatu zuten Fernandez Iradik eta Abadek.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak