"Normalizazio Kontseiluaren eremu administratiboak hiru lurralderi [Araba, Bizkaia eta Gipuzkoa] bakarrik eragiten die, eta, beraz, zaila da hortik prozesua eraiki ahal izatea", esan du Otegik Radio Euskadin egin dioten elkarrizketan. Hori dela eta, ekimen horren "egiturazko zailtasunak" dituela nabarmendu du.
Hala ere, Ibarretxe lehendakariak eta Normalizazio Kontseiluak konponbide ekar dezakeen prozesua sortzen ekarpen handia egin dezaketela iritzi dio Batasuneko buruak: "ekarpen handia eta, areago, erabakigarria egin dezakete gatazka konpontzeko prozesu bat abiatzeko giroa sortzen".
Dena den, konponbide horretarako "Euskal Herri osoko" alderdien parte-hartzea ezinbestekoa dela azpimarratu du, eta, ondorioz, alderdi guztiak izango direla prozesuko protagonistak.
Politika
Lurraldetasunaren muga tarteko, Jaurlaritzako Normalizaziorako Kontseiluak ezin duela konponbide prozesua gidatu uste du Otegik
Arnaldo Otegi Batasuneko bozeramailearen iduriko, Juan Jose Ibarretxe Jaurlaritzako lehendakariak eratuko duen Normalizaziorako Kontseiluak ez du balio konponbide prozesu bat gidatzeko. Otegiren arabera, Normalizaziorako Kontseiluak "egiturazko zailtasunak" ditu prozesu hori gidatzeko, batik bat, haren eragin eremua EAE Euskal Autonomi Erkidegora mugatzen delako. Prozesu horretako protagonistak "alderdi guztiak" izango direla iritzi dio Batasuneko buruak. Ibarretxek atzo iragarri zuen otsailaren 1ean eratuko dutela Normalizaziorako Kontseilua, eta berak zein Joseba Azkarraga Justizia sailburuak (EA) eta Javier Madrazo Gizarte Gaietakoak (EB) osatuko dutela.
Iruzkinak
Ez dago iruzkinik
Ordenatu
