Elkarizketaratzea egin dute 18:30ean Baionako herriko etxean, presoaren zigorra eten dezatela eskatzeko. Esklerosi anizkoitza du Fernandez Iradik, eta kondena etetea eskatua du, gaixotasunak espetxean okerrera egin dezakeela eta. Epaileak haren askatzearen alde egin zuen 2014ko ekainean, baina bi baldintza ezarrita: Frantzian bizitzeko duen debekua baliogabetzea eta Pirinio Atlantikoetatik kanpo bizitzea.
Iragan astean, Fernandez Iradiren osasun egoeraz eginiko hirugarren azterketaren ondorioak plazaratu zitutzen sendagileek. Ebatzi zuten bateragarria dela eritasuna eta espetxealdia. Azterketa, ordea, baldintza txarretan egin dutela salatu zuen preso eta iheslarien eskubideen aldeko Bagoaz kolektiboak.
