Iparragirrek gose eta egarri greba hasi zuen azaroaren 30ean, bere presondegiko egoera salatzeko, eta isolamendu neurria kendu diezaioten eskatzeko. Joan den astean 30 eguneko zigor ziegara kondenatu zuten, ziega aldaketa ez onartzea leporatuz. Euskal presoak salatu zuen beti norbait zeukala mugimendu orotan, ez ziotela lo egitera uzten, eta ziegaz aldatu zutenean tratu txarrak jasanarazi zizkiotela.
Atzo, Fresneseko erietxera eraman zuten Iparragirre, eta han gose eta egarri greba utzi zuen. Askatasunak esan duenez, egun batzuetan erietxean egongo da Iparragirre, eta gero, beste kartzelaren batetara eramango dute.
Eskerrak
Iparragirrreri babesa ematera Gradignaneko espetxera joandakoei eskerrak eman nahi dizkiela esan du bere abokatuak. Izan ere, han mitardean egon zenean, haruntz joandakoen ohiuak entzun zituela dio, eta "animo handiak hartu zituela".
Euskal Presoak
Marixol Iparragirrek gose eta egarri greba utzi du
Askatasunak jakinarazi duenez, Marixol Iparragirrek atzo utzi zuen azaroaren 30ean hasitako gose eta egarri greba, eta gaur, pixkanaka-pixkanaka zerbait jaten hasi da. Isolandua kendu diote, eta beraz, bisitak izan ditzake orain. Abokatua berarekin egon da, eta "oso nekatuta eta ahul" ikusi badu ere, "burua oso argi duela eta oso animo handiarekin" dagoela azpimarratu du. Iparragirre sueroarekin dago atzotik.
Iruzkinak
Ez dago iruzkinik
Ordenatu
