Markel Olanok ez dio erantzuten Jaizkibeli

Jaizkibel konpainiako kideak izan ziren atzo Gipuzkoako Batzar Nagusietan, irailaren 8ko irudi larrien ostean egoera zertan den azaltzen. Kapitain ohi Izaskun Larruskainek hartu zuen hitza. Jarrera baztertzaileak sustatzen dituzten elkarteek herrian urte askoan «zigorgabetasunez» jardun dutela salatu zuen, eta horren emaitza dela, hein batean, egungo egoera. Foru gobernuak auzia, orain hiru urte, Bizikidetza Zuzendaritzara igaro zuenetik egoerak okerrera egin duela diote. Maribel Bakero Bizikidetza zuzendariarekin behin egon dira; Markel Olano ahaldun nagusiak ez die inoiz gutunik erantzun.