Stanfordeko (AEB) Unibertsitateko irakaslea da Mirzakhani, eta beste hiru matematikari ere saritu dituzte: Martin Hairer, Artur Avila eta Manjul Bhargava. Avila da saria eskuratu duen lehen latinoamerikarra.
Nazioarteko Matematika Biltzarraren hasiera ekitaldian eman dute Fields dominaren aurtengo irabazleen berri. Bost mila matematikari batu dira biltzarrean, Seulen (Hego Korea), eta gaurtik hilaren 21era arte izango da batzarra. Lau urtetik behin ematen dituzte sariak.
"Albiste bikaina da. Emakumeak oraindik ez daude nahikoa presente ikerketa matematikoan, eta Mirzakhani eredu bat da, emakume gehiago lehen postuetara erakartzeko", esan du Ingrid Daubechies Nazioarteko Matematika Batasuneko presidenteak.
