Mendebaldeko euskararen jatorria Gasteiz izan daitekeela uste du Zuazok

BILBO. Mendebaldeko euskara liburua aurkeztu zuen Koldo Zuazok atzo, Bilbon. Liburu horretan mendebaldeko euskararen ezaugarriak aztertu ditu, eta, besteak beste, jatorriaren gaineko hausnarketa berria plazaratu. «Gaur egun ditugun datuetan oinarrituta, aukera gehiago dago euskalkiaren sorrera Gasteizen izateko, Bizkaian baino», jakinarazi zuen AleaFM saioan egindako elkarrizketan.