Ana Agirre Jaurlaritzako Industria sailburuak eta Sabin Intxaurraga ingurumenekoak eman dute erabakiaren berri. Intxaurragak agertu duenez, merkataritzaren ikuspuntutik beharrezkoa zen horrelako arautze bat, baina are eta beharrezkoagoa ingurumen ikuspegitik. "Merkataritza ikuspegitik uste dut oreka bat beharrezkoa zela, baina batik bat, ingurumen ikuspegitik aztertuta, kontua izanda trafikoak nolako eragina duen, nolako azpiegiturak behar izaten dituzten, behar-beharrezkoa zen honelako lege batean hori guztia arautzea", esan du.
Nolanahi ere, dagoeneko eraikita dauden merkataritza zentroei ez die eragingo araudi berriak. Dena den, etorkizunean ezingo dituzte egoitzak handitu.
Merkataritza
Merkataritza zentro handien tamainari muga jarri dio Jaurlaritzak
Araban, Bizkaian eta Gipuzkoan ezingo da etorkizunean Garbera, Boulevard edo Artearen tamainako merkataritza zentrorik eraiki. Izan ere, saltoki handien azalerari muga jartzen dien dekretua onartu du Jaurlaritzak. Zehazki, hiriburuetako merkataritza zentroek ezingo dute 25.000 metro koadroko azalera gainditu; eskualde buru diren hirietan 13.000 metro koadrotan ezarri dute muga, eta herrietan 5.000 metro koadroan finkatu dute.
Iruzkinak
Ez dago iruzkinik
Ordenatu
