Zortzi egun desagertuak eman ondotik, Valladoliden (Espainia) aurkitu dute Miarritzen desagertu zen 22 urteko emakumea. Gurasoekin Euskal Herrira oporretara etorria zen, eta ez zuten haren berririk ekainaren 24ko goizean etxetik atera zenetik. Guardia Zibilak atzeman zuen, azkenean, igande gauean.
Eritasun larri baten ondorioz, mediku tratamendu zorrotz bat hartu behar du berez, bestela, ondorio psikologiko eta fisiko larriak izan ditzake. Horregatik, "kezkagarritzat" jo zuten emakumearen desagerpena. Igande gauean "onik" agertu zela adierazi dute; hala ere, osasun proba batzuk eginen dizkiote.
