Eloy Velasco Espainiako Auzitegi Nazionaleko epaileak Mikel Garmendia espetxeratzea erabaki du, Manex Castrori ustez autoa uzteagatik. Auto hori otsailaren 23an Lazkaoko (Gipuzkoa) PSE-EEren egoitzaren aurkako erasoa egiteko erabili zuen ustez Manex Castrok. Ondorioz, talde terroristarekin kolaboratzea egotzi dio epaileak eta, Auzitegi Nazionalean goizean deklaratu ostean, Madrilgo Soto del Real espetxera bidali du. Manex Castro atzo espetxeratu zuten, torturatua izan zela salatu ostean.
Iturri juridikoen arabera, Mikel Garmendia atxilotzeko erabakia Fiskaltzari galdetu gabe hartu du Velasco epaileak.
Garmendia asteazken arratsaldean atxilotu zuten Villabonan (Gipuzkoa), eta orduz geroztik inkomunikatuta egon da Ertzaintzaren eskuetan. Manex Castrorekin gertatu moduan, Garmendiaren ingurukoek ez dute bere egoerari buruzko berririk izan gaur arte.
Euskal Herria
Mikel Garmendia espetxeratu egin dute
Lazkaoko PSE-EEren egoitzaren aurkako erasoa egiteko Manex Castrori ustez autoa uzteagatik hartu du erabakia Eloy Velasco epaileak. Asteazkenean Villabonan atxilotu zuten, eta horrezkeroztik inkomunikatuta egon da Ertzaintzaren eskuetan.
Iruzkinak
Ez dago iruzkinik
Ordenatu
