Milaka lagun pobreziaren kontra

Hainbat ekitaldi egin dira aste honetan pobrezia desagerrarazteko eta pobreziari aurre egiteko baliabide gehiago eskatzeko. «Pobreziarekin amai dezakeen belaunaldia gara», nabarmendu du, esaterako, Donostiako Pobrezia Zero Plataformak. Mobilizazio guztiak biribiltzeko manifestazioak eta kontzentrazioak egin zituzten atzo. Donostian (argazkian) eta Bilbon manifestazioak egin zituzten eta milaka lagunek parte hartu zuten.