Gaur goizean, 08:30ak inguruan, trafiko istripu oso larri bat izan da Donostian, Jose Elosegi alkatearen etorbidean. Ezbeharrean 20 urteko moto gidari bat hil da. Ulia hotelaren parean izan da istripua, eta, ondorioz, Bidebietarako errepidea itxi behar izan dute.
Donostian hilabetean hil den bigarren moto gidaria da. Martxoaren 17an hil zen beste bat, suhiltzaileen parkearen biribilgunearen parean. 51 urte zituen orduko horretan hil zen motozaleak. Udaltzaingoa ari da gaurko ezbeharra ikertzen.
