Motorzale bat hil da gaur arratsaldean Aosen, Nafarroan. Motorrean zihoala, errepidetik irten da, eta NA-150 errepideko 20.3 kilometroan geldirik zegoen auto bat jo du. Iruñekoa zen, eta 46 urte zituen.
17:18an gertatu da ezbeharra, eta gizonezkoaren gorpua Auzitegi Medikuntzako Nafarroako Institutura eraman dute, autopsia egiteko. Foruzaingoak bere gain hartu du gertatutakoari buruzko ikerketa.
