57 urteko motorzale bat hil da Loiun (Bizkaia) autobus bat jota. Istripua atzo gaueko hamarrak pasatxoan gertatu zen N-633 errepidean, Loiuko aireporturako bidean. Oraindik ikertzen ari dira ezbeharra zergatik gertatu zen.
Astigarragan (Gipuzkoa), berriz, bi pertsona zauritu ziren auto istripu batean atzo. Bi ibilgailuk elkar jo, eta horietako bat irauli egin zen. Istripua atzo arratsaldeko zazpiak aldera gertatu zen A-15 errepidean, Hernanirako (Gipuzkoa) bidean. Zaurituak Donostiako erietxera eraman zituzten.
