Aurreko aldietan bezala, munduko beste hainbat txokotan ere egingo dute lasterka euskararen alde. Bartzelonan, bihar egingo dute, Euskal Etxeak antolatuta. Euskal Etxetik irtenda, Cotxereseraino egingo dute Korrika. Hala, Bartzelonako paraje esanguratsuenak igaroko dituzte. 11:30ean abiatuko dira, eta 13:00 aldera amaituko. 14:30erako herri bazkaria antolatu dute. Arratsaldean, trikipoteoa izango da, 17:00etan hasita, eta 20:00etan, kontzertua, El Belda i El Conjunt Badabadoc eta Esne Beltza taldeekin. Txilen ere, Bihar egingo dute Korrika, Santiago hiriburuan. Lasterka egitearekin batera, aurtengo Korrikaren kantaren lipdub bat prestatu dute, Arma plazan.
Australian estreinakoz egingo dute Korrika, igandean. Gure Txokoa elkarteak bultzatu du, eta lasterkariak Opera House eraikin ospetsutik abiatuko dira.Shanghain ere egingo dute, igandean. Lasterka egin, eta 13:00ak aldera bazkaria egingo dute Euskal Etxean. San Frantziskon, New Yorken, Boisen, Madrilen, Londresen, Mexikon, eta abarretan izango da Korrika.
Munduko txoko askotan, euskararen alde lasterka
Iruzkinak
Ez dago iruzkinik
Ordenatu
