Ertzaintzak 23 urteko mutil bat atxilotu du Irunen (Gipuzkoa), bikotekide ohia jo egin duela egotzita. Ertzainen arabera, mehatxuak ere egin dizkio neska-lagun izandakoari, eta honek okindegi batean hartu behar izan du babesa. Atzo arratsaldeko ordu biak aldera izan zen gertaera, eta mutila biktimaren atzetik aritu zen, jazarriz eta joka, lekuko batek poliziei egiaztatu zienez.
Emakumezkoak jakinarazi du duela bost urte hasi zela bikotekidea mehatxuka, harremana hasi zutenean. Harrezkero tratu txarrak eta sexu erasoak jaso izan dituela salatu du biktimak, baina ez duela behin ere parte hartu.
Getxon (Bizkaia) 33 urteko gizonezkoa atzeman zuten atzo, neska-lagunari bultzakada ematea egotzita. Algortan izan zen ustezko erasoa.
emakumeen aurkako indarkeria
Mutil gazte bat atxilotu dute Irunen, neska-lagun ohia jo duelakoan
Getxon beste bat atzeman dute, bikotekideari bultzakada ematea egotzita.
Iruzkinak
Ez dago iruzkinik
Ordenatu
