Ertzaintzak 32 urteko andre bat atxilotu zuen herenegun Donostian, mutil-lagun ohiaren bikotekideari guraize batzuekin eraso egitea leporatuta. Heriotza mehatxuak egitea ere egozten diote.
Eusko Jaurlaritzako Herrizaingo Sailak emandako datuen arabera, ustezko erasotzailea bikoteak Egia auzoan duen etxebizitzara joan zen, mutil-lagun ohiarekin hitz egiteko asmoz. Ez zegoenez, egungo bikotekideak hitz egin zuen. Baina ustez atxilotuak guraizeekin eraso egin, eta ilea moztu zion. Antza, heriotza mehatxua ere egin zion. Ertzaintzaren arabera, gainera, biktimaren lehengusina aurre egiten saiatu zen, baina ari ere egin zion eraso.
Azkenean, gizonak lortu zuen aurre egitea, eta Ertzaintzari deitu behar izan zioten, andrea ez baitzen lasaitzen.
Mutil-lagun ohiaren bikotekideari eraso egitea leporatuta, atxilo
Iruzkinak
Ez dago iruzkinik
Ordenatu
