Nafarroak 400 positiboen langa gainditu du, eta %10 da positibo tasa

IRUÑEA. Gero eta bistakoagoa da kutsatuen kurba gora eta gora ari dela Nafarroan. Osasunbideak emandako datuen arabera, herenegun 405 kasu atzeman zituzten lurraldean, eta positibo tasa %10 da. Azkenorduetan, gainera, pertsona bat hil da gaitzak jota, eta beste bederatzi ospitaleratu dituzte, bat ZIUan. Hala, 79 lagun daude guztira Nafarroako ospitaleetan, horietako hamabi ZIUan, larri.