Eusko Jaurlaritzak eta Nafarroako Gobernuak indarrean jarri dute jada neguko bidezaintza plana. Elurra iristen denerako, prest dituzte elurra bidetik kentzeko makinak, eta arreta berezia eskatu diete gidariei elurra ari duen tarteetan.
Euskalmetek alerta laranja ezarriko du 18:00etatik aurrera Araba, Bizkai eta Gipuzkoan. Ordu horretatik aurrera prezipitazio gehiago izango dela ohartarazi dute, eta elurra egin dezake 300-400 metrotara. Iluntzerako elur maila pixkanaka jaisten hastea espero da, eta 200 metrotara ere zuritu dezake gauean.
Bihar eguerdira arte iraungo du alerta laranjak indarrean.
