Luizia A-8 autobidean

Noranzko bakoitzean bide bana ireki dute

16:30ak inguruan zabaldu dute A-8 autopistan atzo luizia gertatu zen parean. Donostiarako noranzkoko errepidea ireki dute, eta bi bideetako bat Bilborako noranzkorako egokitu dute. Beraz, igarobidea libre da noranzko bietan. Zumaia (Gipuzkoa) eta Itziar gainaren (Deba, Gipuzkoa) artean luizi handia izen zen atzo: 40 metro errepide estali zituzten lurrak eta harritzarrek. Lurjausiak azpian lau ibilgailu harrapatu zituen arren, inor ez zen larri zauritu.

2005eko abenduaren 21a

17:18

Entzun 00:00:00 00:00:00

Atzo goizeko zortziak aldera gertatu zen ezbeharra: mendi magalaren zati handi bat errepidera amildu zen, eta arestian esan bezala, 40 metro errepide estali zuten lurrak eta harritzarrek. Gune batzuetan 4 metroko altuera hartu zuten hondakinek.

Eguerdiko ordubata eta erdiak alderako noranzko bakoitzean bide bat ibiltzeko moduan izatea espero zuen Bidegik, autobidearen Gipuzkoako zatia kudeatzen duen elkarteak.Azkenean, ordea, luzatu egin zaizkie egokitze eta egokitze lanak, eta 16:30etan zabaldu dute.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak