DYAko iturriek agertu dutenez, gizonezko bat zen ETAren izenean ari zela esan duena, baina ahotsa distortsionatua zuenez, ez zaio argi ulertu leherketa 10:00etatik 11:00etara bitartean edo 10:00etatik 12:00etara bitartean gertatuko zen.
Halakoetan egin ohi duten bezala, agintariei eta segurtasun indarrei eman dio abisuaren berri Gipuzkoako DYAk. Oharraren berri izan ostean, mehatxua "sinesgarria" zela erabaki dute Espainiako segurtasun indarrek, eta aireportua hustu eta ixteko erabakia hartu dute. Ondorioz, aireportuan zen jende guztia Zaragozako El Soto kiroldegira eraman dute. Era berean, Tenerifen abiatu eta Zaragozan lurrartu behar zuen hegazkin bat Forondako (Araba) aireportura bidali behar izan dute.
Ordubiak aldera bertan behera utzi dute alerta eta berriro ireki dute aireportua. Hala ere, Espainiako Poliziak eta Guardia Zibilak inguruak miatzen jarraitzen dute.
Politika
Normaltasunera itzuli da Zaragozako aireportua
Goiz osoan itxita eta alertan egon ondoren, ordubiak aldera normaltasunera itzuli da Zaragozako (Aragoi, Espainia) aireportua. 09:40 aldera Gipuzkoako DYAn dei bat jaso dute, ETAren izenean ari zela esan duen pertsona batena, eta Zaragozako aireportuan granada jaurtigailu bat jarri dutela ohartarazi du, eta 10:00etatik 12:00etara bitartean leherketa gertatuko zela. Deia sinesgarria zela iritzita, hustu egin dute aireportua. Leherketarik ez da izan, ordea, eta orain arte ez dute ezer aurkitu. Hala ere, Poliziak, badaezpada, inguruak miatzen jarraitzen du. Erabilera zibil zein militarra du Zaragozako aireportuak.
Iruzkinak
Ez dago iruzkinik
Ordenatu
