Ondarroako (Bizkaia) udal kudeaketa batzordeak Markina-Xemeinera (Bizkaia) joan behar du gaur batzarra egitera, EAE-ANVren jarraitzaile ugari zegoelako udaletxe atarian protesta egiteko. Elkarretaratzea zuen deitua, Ondarrutarren erabakia bete. Lapurretarik ez lelopean. Ertzainek urrundu egin dituzte.
Goizeko zortzietarako deitua zuen batzordeak udal bilera, baina ezin izan dute han egin. Lea-Artibai Mankomunitatearen egoitzan egin dute bilera.
Maiatzeko udal hauteskundeetan EAE-ANV izan zen alderdirik bozkatuena Ondarroan, baina Espainiako auzitegiek baliogabetua zuten. Beste alderdien artetik inork ez zuen kargurik hartu -PPkoak izan ezik- eta Bizkaiko Foru Aldundiak batzordea eratu zuen. EAE-ANVk ez du ordezkaritzarik. Felix Aranbarri (EAJ) da lehendakaria eta gaur Ondarroako udaletxetik bi ertzainek babestuta irten behar izan du.
Lehengo astean autoa erre zioten Aranbarriri ezezagun batzuek, eta gaur kudeaketa batzordeak herritarrei dei egin die hari elkartasuna adierazteko. "Horrelako indarkeria ekintzek ez dute ezer onik, eta bakearen eta bizikidetzaren aurkakoak dira".
Politika
Ondarroako udal kudeaketa batzordeak Markinara joan behar izan du batzarra egitera
EAE-ANVren jarraitzaileak zeuden udaletxe kanpoan protesta egiteko.
Iruzkinak
Ez dago iruzkinik
Ordenatu
