Ontziak dendara bueltatzeko aukera jaso du zaborren legeak

MADRIL. Produktuen ontziak erabili ondoren dendara itzultzeko aukera jaso du zaborren Espainiako legeak. Espainiako Senatuan zuzenketa egin zioten atzo, eta ia aho batez egin zuen aurrera. Ontziak bueltatzeagatik dirua itzultzea aurreikusten du legeak aukera gisa, eta dio nahi duten herrietan jar dezaketela sistema hori. Espainiako Kongresuan egingo dute azken bozketa.