Oporraldiaren hasierarekin auto ilarak izan dira Muskiz, Armiñon eta Biriatun

GASTEIZ. Egun arazotsua espero zen atzo errepideetan, oporraldiaren hasierarekin lotuta, eta halaxe izan zen; A-8 eta A-1 autobideetako hainbat tokitan, bereziki, auto ilara handiak sortu ziren. Ohiko lekuetan pilatu zen ibilgailu gehien: Muskizen (Bizkaia) hamazazpi kilometro luzeko ilarak sortu ziren, eta Armiñonen (Araba) eta Biriatun (Lapurdi) ere arazoak izan ziren. Arratsalderako arindu zen zirkulazioa.